Beint į leišarkerfi vefsins
Fara į forsķšu

Valnefnd

Stjórn Bankasýslu ríkisins skipar sérstaka þriggja manna valnefnd sem tilnefnir einstaklinga fyrir hönd ríkisins sem rétt hafa til setu fyrir hönd þess í bankaráðum eða stjórnum fyrirtækja á forræði stofnunarinnar.

Með vísan til ákvæðis 7. gr. laga nr. 88/2009 um Bankasýslu ríkisins voru eftirtaldir einstaklingar skipaðir í valnefnd með bréfi dags. 23. febrúar 2018. Þau eru Jón Sigurgeirsson, framkvæmdastjóri Alþjóðasamskipta og skrifstofu bankastjóra Seðlabanka Íslands, Auður Bjarnadóttir ráðgjafi hjá Capacent og Þórdís Ingadóttir dósent við lagadeild Háskólans í Reykjavík, sem jafnframt er formaður nefndarinnar.

Valnefndin leitar eftir einstaklingum að eigin frumkvæði en einnig geta aðilar, sem telja sig uppfylla skilyrði fyrir stjórnarsetu, gefið kost á sér með því að senda valnefndinni ferilskrár sínar með tölvupósti á netfangið valnefnd@bankasysla.is. Nöfn þeirra einstaklinga sem nefndin leitar til eða sent hafa inn upplýsingar um sig verða vistuð hjá valnefndinni. Einstaklingur sem gefið hefur kost á sér til setu í stjórn fjármálafyrirtækis fyrir hönd ríkisins getur hvenær sem er farið þess á leit við valnefndina að upplýsingum um hann hjá nefndinni verði eytt.

Að uppfylltum hæfisskilyrðum koma ofangreindir einstaklingar til greina sem stjórnarmenn fyrir hönd ríkisins þegar á þarf að halda. Stjórn Bankasýslu ríkisins óskar formlega eftir tilnefningum valnefndar um stjórnar- og bankaráðsmenn fyrir stjórnarkjör í hlutaðeigandi bankaráðum eða stjórnum. Valnefndin tilnefnir í hvert sinn tvo til þrjá einstaklinga fyrir hvert sæti sem losnar í stjórnum eða bankaráðum.

Við ákvörðun um tilnefningu á stjórnarmanni leggur valnefndin mat á hæfni aðila m.a. að teknu tilliti til hversu mikla yfirsýn, þekkingu og reynslu viðkomandi hefur í tengslum við fyrirtækjarekstur og starfshætti fjármálafyrirtækja.

Nánar er fjallað um valnefnd og störf hennar í 7. gr. laga nr. 88/2009 um Bankasýslu ríkisins og í starfsreglum valnefndar.