Eignir

Í kjölfar endurskipulagningar íslenska bankakerfisins hefur Bankasýslu ríkisins verið falið með vísan til 1. greinar laga nr. 88/2009 að fara með eignarhluti ríkisins í þeim fjármálafyrirtækjum sem ríkið eignast hluti í.

Með bréfi fjármálaráðherra dags 4. janúar 2010 var Bankasýslu ríkisins falið að fara með eignarhluti ríkisins í Arion banka, Íslandsbanka og Landsbankanum (NBI hf).

Þann 31. ágúst 2010 tók Bankasýslan við eignarhlut ríkissjóðs í Sparisjóði Norðfjarðar.

Þann 16. desember 2010 var Bankasýslunni falið að fara með eignarhlut ríkissjóðs í Sparisjóði Bolungarvíkur og Sparisjóði Vestmannaeyja.

Þann 5. janúar 2011 var stofnuninni falið að fara með eignarhlut ríkissjóðs í Sparisjóði Svarfdæla og Sparisjóði Þórshafnar og nágrennis.